Last updated on May 31st, 2021 at 08:48 am

रिलायन्स लाइफ इन्स्योरेन्सले आम नागरिकमा जीवन बीमाको बारेमा जनचेतना अभिवृद्धि गर्ने हेतुले सम्पर्क केन्द्र सञ्चालनमा ल्याएको छ।

उक्त सम्पर्क केन्द्रको बीमा समितिका अध्यक्ष, चिरन्जीवि चापागाईं र रिलायन्स लाइफ इन्स्योरेन्सका अध्यक्ष ताराचन्द केडियाले बुधबार एक समारोहका बीच संयुक्त रुपमा उद्घाटन गरेका छन्।

कम्पनीले सञ्चालनमा ल्याएको केन्द्रबाट ग्राहकवर्ग र रिलायन्स साथी (अभिकर्ता)ले २४ सै घण्टा ३६५ दिनै सेवा प्राप्त गर्न सक्नेछन्। यस सम्पर्क केन्द्रबाट आम नागरिकले जीवन बीमा, कम्पनी तथा कम्पनीको योजनाहरुको बारेमा परामर्श लिनुका साथै ग्राहक र रिलायन्स साथी (अभिकर्ता) ले सल्लाह, सुझाव र गुनासा प्रेसित वा प्राप्त गर्न सक्नेछन्।

जसका लागि प्रयोगकर्ताले ४७८७२२४मा फोन वा कम्पनीको अधिकारिक फेसबुक, ट्वीटर, वेबसाइट, इमेल वा मोबाइल एप मार्फत आफूलाई पायक पर्ने माध्यमबाट आफ्नो अनुकुल समयमा जानकारी हासिल गर्न सक्नेछन्।